السلام عليكم ورحمة الله تعالى وبركاته اليوم إن شاء الله غنقدم ليكم ملوي بالخميرة كيجي هشيش ورطب جربوه مغديش تندمو وأنا مكيخطنيش في رمضان نبداو على بركة الله المقادير: دقيق السميد الناعم (الفينو) القياس مشي مهم كل أخت دير القياس لي بغاتشوية الزيت الزبدة والسميدة الرقيقة باش ندهن الملويالقليل من خميرة العجين (الفورية)
شوية السكر والملح
الطريقة
نعجن عادي بالماء الدافئ حتى الحصول على عجين مدلوك جيدا نقسمو الى كريات نخليهم يرتاحو ونوجد الزبدة تكون رخوة باش غدي ندهن الملوي ديالي ونرش بالسميدة الرقيقةونلفها مثل الحلزون ونكمل العجين ديالي بنفس الطريقة ونسرح في اﻻخير مثل البطبوط بالسميدة ونخليه تطلع فيه الخميرة مشي يخمر بزاف ونطيبو في المقلة التقيلة ويقدم بالزبدة والعسل أوالزبدة فقط أوبدونهما فهو لوحده رائع وبنين واللي عجبتو الوصفة ميبخلش عليا باﻻعجاب فهدا يشجعني ويجعلني أعطي المزيد
السلام عليكم اليكم اخواتي المقادير ديال لتارت التفاح والبنان .3البيضات .كاس السنيدة. كاس الزيت. كاس الحليب .2كيسان الدقيق . 3 الخمارات .شوية الملح .كاس عصير الليمون و 2فلون ديال درهم. الطريقة :في مولنكس نضرب البيض و السنيدة مزيان نزيد الزيت والحليب و1 فاني نزيد الدقيق مع الخميرة وها الخليط واجد ناخد مول الكيك مدهون بالزبدة ومرشوش بالدقيق نفرغ نصف الخليط ونستف دوائر البنان يكون رقيق ونزيد النصف المتبقي من الكيك ونستف انصاف التفاح رقيق الصور توضح أكثر وندخلها الفران طيب ملي نخرجها مباشرة نكب عليها خليط الفلون واللي هو عصير الليمون تقريبا كاس والفلون في شي كاسرونة فوق النار نغليوه شوية نخليه حتى يقرب يبرد وعاد نكب عليها ونخليوها تبرد عاد نقدمها بالصحةوالراحةاللي ما توفر عندو البنان ممكن يستعمل غير التفاح راه كتجي زوينة بﻻبيه.
لمقادير
2بيضات. كاس سنيدة. كاس الزيت .2معالق العسل . 2 خمارات. روح البنان .شوية الملح .الدقيق اللي يجمع لينا العبار بالكاس العادي ديال أتاي
الطريقة:
نخلطو الكل ونجمع بالدقيق ونخليوها خفيفة شوية نعملها في الجيب الحلواني مرفوق بالبوق المسنن ونخرجوها وريدات فوق الورق السلفريزي وندخلها الفران حتى تتحمر
