وصفة العسل من مطبخي الخاص بالشباكية

وصفة العسل من مطبخي الخاص بالشباكية

السلام عليكم ورحمة الله تعالى وبركاته إليكم وصفة
العسل من مطبخي الخاص بالشباكية 
المقادير
عندنا قالب السكر
حامضة مقطعة على زوج
لتر إﻻ ربع من الماء البارد
النسمة العسل في سرة كندير حبات قرنفل وعواد القرفة وأتاي حبوب أو زوج خنيشات ليبتون
الطريقة :
نأخد السكر نزيد عليه الماء والحامضة مقطعة على 2 والسريرة ونخليه حتى يدوب وعاد نردو فوق البوطة ونسد عليه في طنجرة الضغط فوق عافية عادية حتى تصفر الصفارة ونقص البوطة ونحسب نصف ساعة ونطفي البوطة ومنحيدش الصفارة حتى تسكت الطنجرة وملي نحل علية نزيد نصف كاس ماء الزهر ونغليه شوية وها العسل وجد بالصحة والراحة

65 تمّ النشر بـ 5:30 ص أضف تعليق

الحلوة الشباكية

الحلوة الشباكية

السلام عليكم ورحمة الله تعالى وبركاته عواشركم مبروكة والله يدخل علينا وعليكم رمضان بالصحة والعافية
ليوم غنقدم ليكم شهيوة من شهيوات رمضان ولي هي الحلوة الشباكية
الحلوة الشباكية:
المقادير:
1كيلو غرام من الدقيق اﻷييض (الفورص)
1ملعقة القرفة
القليل من المسكة الحرة 1كاس الزبدة مدوبة
1كأس مزيج بين زيت المائدة وزيت الزيتون 2معالق كبار الخل
قليل من الكوزة محكوكة
زعفران الحر+زعفران عادي مرطب في كاس الزهر
1 بيضة .القليل من الملح . القليل من خميرة العجين قد الحمصة تقريبا
1 كيس خميرة الحلوى 2كيسان الزنجﻻن محمر ومطحون
1كاس لوز مصلوق ومسخ مقلي ومطحون مزيان معلقة كبيرة النافع
ماء الزهر للعجن
عسل لسقي الحلوى
الطريقة:
نخلط الدقيق مع اللوز و الزنجلان والنافع والمسكة الحرة والملح والكوزة محكوكة والقرفة ونخلط مزيان ونزيد الزبدة والزيت ونخلي الخليط حتى الغد باش الدقيق يشرب ليدام وعاد نزيد البيضة مع الماء الزهر اللي رطبنا فيه الزعفران من قبل والخميرة ونعجن العجين بالماء الزهر حتى نحصل على عجين ميكونش مرخي بزاف باش مدجيناش الشباكية قاسحة نعملها كريات ونغطيها بالبﻻستيك ونخليوها ترتاح من بعد نأخد كل كرة نسرحها وندوزها في الوراقة ونخرجها شكل مستطيل ونطويه بحال الى بغينا نصاوبو العجين المورق على ثﻻثة وندوز كل الكويرات اللي عندنا ونرجعو نبداو من اﻻولى نسرحها وندوزها في الوراقة في الرقم4ونقطعها مستطيﻻت ونشكلها كما في الصورة ونشبكها حتى نكمل الكمية اللي عندنا كاملة عاد نقليها ونسقيها بالعسل ونرشها بالزنجﻻن وبالصحة والراحة نتمنى تنال إعجابكم

65 تمّ النشر بـ 5:27 ص أضف تعليق

تشيز كيك بالفراولة

تشيز كيك بالفراولة

السلام عليكم ورحمة الله تعالى وبركاته أ حبائي نتقدم ليكم تشيز كيك ساهل وبنين وبطريقة مبسطة المقادير:
مقادير الكيك: 2بيضات .6معالق كبار السكر سنيدة. 4معالق الزيت. معلقة الكاكاو .1خميرة الحلوى .الدقيق حسب الخليط .نخلط الكيك عادي البيض نزيد السكر والزيت وأنا كنخلط بالضرا ب اليدوي ونضيف الدقيق مع الخميرة تقريبا 8معالق شوية بشيوة حتى نحصل على خليط الكيك نعمل في قالب الكيك يكون كيتحل من الجوانب مدهون بالزبدة ومفروش بورق الطهي وندخلو الفرن مقاديرالكريما:
1ورقة الجيﻻتين
نصف لتر الكريم فخش (القشدة الطرية)
4فرماجات مربعين
1 ياغورت جوكي فريز أو برلي فريز
1علبة جبن جبلي
3معالق كبار حليب محلى
الطريقة:
نخلط الجبن مع الفرماج والياغورت وندفي الحليب شوية باش ندوب فيه الورقة الجيلاتين أو فلون فريز
ونضيفو للخليط وتضرب القشدة بالضراب الكهربائي مع السكر الصقيل 3معالق المهم حسب الدوق ونخلطها مع الخليط الأول وملي طيب الكيك نسقيها بالسيرو المكون من كأس الماء ونصف الكأس السكر
ونغليه فوق الفرن شوية ونفرغ الكريما اللي وجدنا وندخل المجمد 6ساعات .
الطبقة الاخيرة :250غ الفريز نزيد كاس صغير الماء ونطحنو ونصفيه نزيد شوية السكر و 2فلون فريز ونغليه وملي نخرج الكيك من المجمد نفرغ الطبقة الاخيرة وندخل يبرد مزيان ونزين بحبات الفريز والشونتي وبالصحة والراحة.

65 تمّ النشر بـ 5:20 ص أضف تعليق

غريبة مشققة باللوز

غريبة مشققة باللوز

السلام عليكم ورحمة الله تعالى وبركاته اليوم كنقدم ليكم غريبة مشققة باللوز نتمنى تنال اﻻعجاب ديالكم 

 المقادير:
500غ لوز بالقشرة ومهرمش
كاس شاي من السكر (سنيدة)
نصف كاس من الزيت
2 معالق كبار مربى المشمش
1 خميرة الحلوى 7غ
قشرة حامضة محكوكة
2 بيضات
السكر كﻻصي ممتاز للتفنيد
الطريقة:
في إناء أضع اللوز المهرمش رقيق نزيد جميع المقادير والبيض هو اﻻخير نزيد بيضة ونخلط ونزيد أصفر البيضة التانية ونخلط ونزيد البياض اللي بقى أنا دخلو لي البيضات بزوج مخصهاش دجينا متلوقة باش ماتسرح في صينية الفرن نكور كرات صغار ونغبرهم مزيان في السكر كﻻصي من جميع الجهات ونحطها في صينية الفرن وندخلها الفرن درجة معتدلة ونطيبها بطريقة عادية بﻻ ما نصبق ليها الوجه كتجي مشققة وبالصحة والراحة.

65 تمّ النشر بـ 5:17 ص أضف تعليق

صابلي بالكاوكاو والكوك والسمسم

صابلي بالكاوكاو والكوك والسمسم

السلام عليكم ورحمة الله تعالى وبركاته كنقدم ليكم صابلي بالكاوكاو والكوك والسمسم كيجي مقرمش وبنين 

 المقادير :
250غ الزبدة
250غ الكوك
250غ الكاوكاو مقلي ومهرمش
250غ السمسم (الزنجﻻن) محمر
4 بيضات
2 كيسان السكر سنيدة
كاس شاي من الزيت
4 خمارات الحلوى7غ
2 فاني
الدقيق حسب الخليط
الطريقة:
نخلط الزبدة مع السكر مزيان ونزيد الزيت والبيض والكوك وكاوكاو والزنجﻻن ونبدا نزيد الدقيق مع الخميرة حتى تجمع لينا العجينة ومنقصحوش العجين غدي ناخد العجين ونسرحها فوق الرخامة ونشكل خطوط بالطول والعرض بالفرشيط حتى تولي مشوكة ونقطع بالمرشم ونجرو حتى الجنب الرخامة ونهز المرشم بالحلوى ونحط في اﻻطة وندخلها الفرن وملي يطيب الصابلي نﻻقيه بالشكﻻط وبالصحة والراحة.

65 تمّ النشر بـ 5:14 ص أضف تعليق

البغرير

البغرير

السلام عليكم ورحمة الله تعالى وبركاته اليكم وصفة البغرير المفضلة عندي كيجي بها البغرير غزال وبنين. المقادير :
نصف كيلو السميدة رقيقة الحلوى
كأس شاي من الدقيق اﻻبيض (الفورص)
بيضة . 1فاني .2خمارات الحلوى .
ملعقة صغيرة البيكاربونات الصوديوم (تباع في الصيدليات) . ملح (يؤخد بعين اﻻعتبار أن البيكاربونات مالحة) .معلقة صغيرة الخميرة العجين . نصف لتر ماء فاتر أو أكتر بقليل .
الطريقة:
تمزج المقادير مع بعضها في الخﻻط الكهربائي يطحن جيدا ويسكب الخليط في إناء يترك يرتاح تقريبا 15دقيقة نضع مقﻻة خاصة بالبغرير فوق النار تم نبدأ بالطهي ويقدم مدهون بالزبدة ومرفوق بالعسل وشهية طيبة

65 تمّ النشر بـ 5:12 ص أضف تعليق

بسبوسة

بسبوسة

السﻻم عليكم ورحمة الله تعالى وبركاته هذه بسبوسة ساهلة وبنينة نتمنى تعجبكم    جربتها وعجباتني نتمنى حتى نتوما دجربوها:
المقادير:
العباربالكاس العنبة
كاس السميدة رقيقة
كاس الحليب
كاس الكوك
نصف كاس الزيت
كأس معمرش السكر سنيدة
2بيضات
2خمارات
4معالق الدقيق الفورص شوية القرفة وقشرة برتقالة محكوكة
الطريقة:
نخلط البيض نزيد السنيدة والزيت والسميد والكوكوالدقيق والخميرة وباقي المقادير ونخلط الكل بالضراب اليدوي ونكب الخليط في مول الكيك مدهون بالزبدة والدقيق ملي طيب ندهنها بالكونفيتيرونزوقها بالكوك محمر من الجوانب والشكﻻط اﻻبيض المهم التزين اختياري وبالصحة والراحة.

65 تمّ النشر بـ 5:01 ص أضف تعليق

السلام عليكم لعشاق الحرشة العادية الموجودة في المحﻻت بطريقة ناجحة بالصور

السلام عليكم لعشاق الحرشة العادية الموجودة في المحﻻت بطريقة ناجحة بالصور

المقادير : 

العباربالكاس العنبة
500غ السميدة الرقيقة
كأس من الدقيق الفورص
ربع الكاس من السكرسنيدة
شوية الملح
1خمارة الحلوى
كاس الزيت
كأس ونصف الماء 

الطريقة
الطريقة: نخلط السميد والدقيق والسكر والملح والدقيق و الخمارة ونحركها ونزيدالزيت ونحرك ونهز شوية من هد الخليط باش نكرصوها تم نزيد الماء ونعجنها ونخليها تشرب شوية على ماتكون المقلة سخنات ونرش الدائرة اللي غدي نسرحها عليها بالخليط اللي نقصناه ونكرصها مزيان ونهز المقلة نحطها فوق الحرشة ونقلبها بالعوداللي كرصناهاعليه ونرفع العود غير بشوية باش الحرشة تنزل فوق المقلة بﻻ ما تهرس ونردالمقلة للنارفوق البوطا ونطيبها نتمنى تجربوها كتجي زوينة

65 تمّ النشر بـ 4:58 ص أضف تعليق

كيكة في القالب العجيب

كيكة في القالب العجيب

المقادير

 المقادير: 3 البيضات. نصف كاس الزيت. كاس سنيدة. كاس دانون صغير. قشرة ليمونة محكوكة. 2خمارات. 2كيسان ونصف الدقيق الطريقة:
نخلط الكيك عادي ونكب في المول ملي يطيب نصب عليه الكريم باتسييرفي الفراغ اللي عندنا في الوسط ونزين الجوانب بالشكﻻط مدوب واللوز
مهرمش
للتزين بكريمة أخرى :
كأس ليمون .كاس دانون فاني .معلقة كبيرة مربى المشمش.معلقة كبيرة النشا
الطريقة:
نخلط كلشي مزيان و نرد يغلى فوق البوطا بحال الفلون ونكب على الكيك ملي يبرد شوية نحك الشكﻻط اﻻسود من الفوق وبالصحة والراحة

65 تمّ النشر بـ 4:47 ص أضف تعليق

كيك بالشكلاطة

كيك بالشكلاطة

السلام عليكم اخواتي ليوم جربت هاد الكيكة جات زوينة السر اللي كيخليها تطلع هي خميرة العجين
المقادير:
بيضة .كاس سنيدة .كاس حليب. كاس ماعمرش ديال الزيت. شوية الملح. معلقة الكاكاو. 2معالق النشا. فاني. معلقة صغيرة الخميرة العجين انا استعملت الخميرة حبوب. وخمارة الحلوى وحدة. 2 كيسان ونصف الدقيق.
الطريقة:
نخدم السكر مع البيضة مزيان بالضراب اليدوي وزت الزيت والحليب تم الدقيق والنشا والكاكاو والخميرة الى شفتو الخليط قاسح شوية ضيفو شوية الحليب قل من ربع الكاس وعملتها في المول وطيبتها ملي طابت دهنتها بدانيت ورشيت عليها الفويتين وهو رقائق السيكار نتما رشها بلي موجود كاوكاو اوكوك او لوز نتمنى تجربوها بحالي الكاس الشاي باش عبرت ماشي العنبة

65 تمّ النشر بـ 4:43 ص أضف تعليق

صابلي

صابلي

لسلام عليكم اخواتي اليكم هذه اﻻشكال من الصابلي نتمنى تعجبكم وماتبخلو عليا باﻻعجاب باش تشجعوني جربوه كايجي بنين وبالصحة والراحة
المقادير:
رابعة الزبدة ليليا
150غ السكر كﻻصي
2 بيضات
2معالق كبار مايزينا
خمارة الزا
1فاني الدقيق حسب الخليط

الطريقة
: نخلط الزبدة مع السكر مزيان ونزيد البيض والمايزينا والفاني ونبدا نظيف الدقيق حتى نحصل على عجين لين يمكن لينا نطلقوه بالمدلك انا خليتو يرتاح ساعة عاد بديت نشكلو بالطوابع اﻻشكال اللي واضحة في الصور ملي يطيب نﻻقيوه بالكليكوز مخلط مع النباج وندهن الوجه بنفس الخليط وندردر عليه اللوز مهرمش ونعمل الرأس في الشكﻻط هذا الشكل ديال اﻻنانسة اما اﻻشكال اﻻخرى غطستها في الشكﻻط ودردرت عليها اللوز

65 تمّ النشر بـ 4:38 ص أضف تعليق

تارت بالتفاح

تارت بالتفاح

                                                 المقادير:

السلام عليكم اليكم اخواتي المقادير ديال لتارت التفاح والبنان .
3البيضات .كاس السنيدة. كاس الزيت. كاس الحليب .2كيسان الدقيق . 3 الخمارات .شوية الملح .كاس عصير الليمون و 2فلون ديال درهم.
الطريقة :
في مولنكس نضرب البيض و السنيدة مزيان نزيد الزيت والحليب و1 فاني نزيد الدقيق مع الخميرة وها الخليط واجد ناخد مول الكيك مدهون بالزبدة ومرشوش بالدقيق نفرغ نصف الخليط ونستف دوائر البنان يكون رقيق ونزيد النصف المتبقي من الكيك ونستف انصاف التفاح رقيق الصور توضح أكثر وندخلها الفران طيب ملي نخرجها مباشرة نكب عليها خليط الفلون واللي هو عصير الليمون تقريبا كاس والفلون في شي كاسرونة فوق النار نغليوه شوية نخليه حتى يقرب يبرد وعاد نكب عليها ونخليوها تبرد عاد نقدمها بالصحةوالراحة
اللي ما توفر عندو البنان ممكن يستعمل غير التفاح راه كتجي زوينة بﻻبيه.

65 تمّ النشر بـ 4:33 ص أضف تعليق

خرينكو

خرينكو

المقادير

كنقدم ليكم خرينكوكايجي غزال واحسن من داك الي كانشريوه المقادير :
رابعة الماء .200غ الدقيق الفورص .معلقةكبيرة الزبدة .معلقةكبيرة سنيدة .شوية الملح .بيضة كبيرة.
الطريقة
كنديرو الماء والزبدة والملح والسنيدة في شي كاسرونة فوق النار ونتركها حتى يغلى الخليط نزيدو عليه الدقيق كلو ونحركوه غدي يتجمع ويكون لينا عجين نزولوه من فوق البوطة نخليوه حتى يبرد وعاد نزيدو عليه البيضة ونحركوه مزيان حتى دخل البيضة في العجين اللي بغى ينسم العجين يزيد فاني ونعملوه في البوش ونخرجه طويل او دوائر اوهما معا كما في الصورة ونقليوهم فالزيت ملي يتقلى ندردر عليه سنيدة وبالصحة والراحة .

65 تمّ النشر بـ 4:26 ص أضف تعليق

الفقاص

الفقاص

المقادير
4البيضات .2كيسان سنيدة .2كيسان الزيت .2 خمارات .1 ملعقة كبيرة النافع البلدي مطحون .كاس الزنجﻻن محمر ومهرمش .شوية الملح .125غ اللوزبالقشرة مرطب في الماء ومقطع على زوج اوتﻻت ساعتين قبل الدقيق حسب الخليط . لي بغات تزيد نصف كاس ماء الزهر انا مرة كانديرو ومرة ﻻ كايجي واقف شوية ومكيتهرش دغيا وبالصحة والراحة.

                                                 الطريقة:
كما في الصورة نبدا بالبيض نزيد السنيدة والزيت والنافع و الزنجﻻن والفاني ونبدانزيد الطحين وعادنزيد اللوز مقطع على زوج او تﻻت والخمارات ونكمل التخﻻط حتى احصل على عجين ميكونش كيتلصق في اليد ونعمل حرابل نوضعهم في ﻻطة الفران وندهنهم بالبيض مع نسكافي ونشرط بالفرشيط كمافي الصورة وندخل الفران يطيب نصف طيبة ونخرج نغطيه بمنديل مبلل بالماء وبﻻستيكة ونترك يبات ليلة حتى الغد عاد نقطعه بسكين حاد ونرجعه الفران يتحمر وبالصحة والراحة .

65 تمّ النشر بـ 4:18 ص أضف تعليق